Round up to the yik

中環老闆們傾殼（我指上市公司殼），最鍾意round up to the 億。尤記得第一次負責買賣殼deal，開會時簡直嘖嘖稱奇。4億6呀？即係5億啦。3億7呀？即係4億啦。加埋9億，咁齊頭10億lor。難為不論買家賣家都頭頭稱是又面不改容。安逸太郎呢等工蟻都唔好意思兜口兜面問mud唔係8.3億o羊，費事人地覺得我cheap啦。
 
不過你又唔好以為老闆們真係咁闊佬wor，到番公司dup table時，當然dup唔番開會講D野啦。每個item 都round up 半億，4個item就 round round 下多咗兩億了。老細問你，又話10億o既？你同佢講，你地話齊頭嘛。佢就會炳你“我地呢度蚊蚊都係錢，蝕咗係咪你嘔？”然後所有開會講過的數字全部作廢，下次由頭講過。 這種街市買餸式講價（兼齋吹），聽多了就見怪不怪，安逸太郎一般也不介意，反正GDP是這樣產生的嘛。之不過…

你班仆街自己約人7點半，未夠鐘又無野做，結果賴死在我公司吹水，吹吹下講到星期日有個唔知mud叉演講邀請人去，然後…就沒有然後了…



 

留言

張貼留言

這個網誌中的熱門文章

日落

我記得那年，欣欣向榮。 每天都有跟著老母聽港台時事節目，彷彿一切都幾好。股票升，樓價升，新機場開，青馬大橋煙花好靚。 然後，記憶中，香港好像就沒有再開心過。 97 以後，個個負資 產。細細個唔知什麼是負資產，淨係知道個個都唔開心。 才剛恢復不久， 2000 年，又霖多鑊，我不知道什麼是科網泡沫，淨係知道 tom.com 應該是呃人的，同埋，個個都唔開心。 才剛恢復不久， 2003 年，再霖多鑊。 Form 5 了， mock 都考唔完就停課。死咗好多人。這次，唔開心的唔只係大人。 然後 2008. 然後 2014. 然後 … 我就是想不起，中國收番香港以後，香港這片土地幾時有 hopeful 過。 老實說，有可能是英國佬放得靚。就算英國佬還在，人口一樣增長，競爭一直增加，誰敢說還是一樣好？係呀，唔知架。不過你你一來，我地就係咁仆街，光是腳頭唔好就已經是死罪啦，點解仲要問點解唔愛你？接受啦好嘛？放過我地啦好嘛？
閱讀完整內容

未敢忘記 vs 守護記憶

圖片
去年，對於是否應該去維園，開始有一點爭議。行禮如儀，老土了，不想去了，其實很能理解。去年跟大學舍堂組仔有討論過，他認為新一代沒有親身經歷六四，感覺疏離，不悼念是可以理解的。 六四發生時，安逸太郎才 3 歲 ，我身邊的安逸太太甚至還沒出世； 說 親身經歷，我經歷過條毛。了解六四，其實都是因為當年啊sir提出來討論，跟我們 說 一定一定要把這事記住直到平反，才開始對這件事有情意結。 到今年，甚至是否應該悼念，都有爭議 。先不要 說 什麼陰謀論學生染紅了是打手什麼什麼。不論他們結論有沒有邏輯，至少，中大學生會只是插人家集體悼念，而不是赤裸裸的 說 “關我撚事”，我最多覺得他們衝出來（少少）柒。 最大問題的，是出現了那群純粹因為（ 1 ）自以為眾人皆醉我獨醒（ 2 ）以為自己立場是爭取獨立所以隔離國家的事不關自己事（ 3 ）因為支聯會柒而打包 label 埋悼念六四＝柒的人。 第（ 1 ）類人其實無 mud 得救。第（ 2 ）類，以為中國的事唔關自己事，其實很容易駁 。隔離屋發生事，你的確可以唔理；但而家中共不只在隔離，也不只在門口，還已經坐在你客廳，你反而覺得唔關自己事？就算你要爭取獨立， sor9ry 你又未爭取到 wor 。 第（ 3 ）類，就是 marketing 問題了。支聯會各大佬已經老了，用的都是老方法，所以被人覺得很柒（當然也很腐敗）。正如以前吸收資訊只靠報紙（相對是 centralized sources) ，現在靠網上媒體（ decentralized sources) ；宣傳及傳承六四相關資訊也必須與時並進，可能需要更多 visual stimulations ，用更多貼緊年輕人的 language ，不能讓（正常）年輕一輩覺得這是柒事 。 這個記憶到新一代開始被淡忘甚至被厭棄，肯定是因為我們有些應該做的事沒做好（當然還因為現今的中學課程不教，甚至阻止老師教）。與其鬧班後生仔 disrespectful ，不如做好自己。光是未敢忘記已經不 夠 ，要守護記憶，必須更下苦功。 P.S. 過往幾年考 CFA 的關係，都不是年年去維園，但還是認為年年 去的人都是可敬的。 P.P.S. 中四時中史 presentation ，我選了講六四，沒有被阻止，很感恩。 ...
閱讀完整內容