安逸太郎手記

我記得那年，欣欣向榮。 每天都有跟著老母聽港台時事節目，彷彿一切都幾好。股票升，樓價升，新機場開，青馬大橋煙花好靚。 然後，記憶中，香港好像就沒有再開心過。 97 以後，個個負資 產。細細個唔知什麼是負資產，淨係知道個個都唔開心。 才剛恢復不久， 2000 年，又霖多鑊，我不知道什麼是科網泡沫，淨係知道 tom.com 應該是呃人的，同埋，個個都唔開心。 才剛恢復不久， 2003 年，再霖多鑊。 Form 5 了， mock 都考唔完就停課。死咗好多人。這次，唔開心的唔只係大人。 然後 2008. 然後 2014. 然後 … 我就是想不起，中國收番香港以後，香港這片土地幾時有 hopeful 過。 老實說，有可能是英國佬放得靚。就算英國佬還在，人口一樣增長，競爭一直增加，誰敢說還是一樣好？係呀，唔知架。不過你你一來，我地就係咁仆街，光是腳頭唔好就已經是死罪啦，點解仲要問點解唔愛你？接受啦好嘛？放過我地啦好嘛？

中環老闆們傾殼（我指上市公司殼），最鍾意 round up to the 億。尤記得第一次負責買賣殼 deal ，開會時簡直嘖嘖稱奇。 4 億 6 呀？即係 5 億啦。 3 億 7 呀？即係 4 億啦。加埋 9 億，咁齊頭 10 億 lor 。難為不論買家賣家都頭頭稱是又面不改容。安逸太郎呢等工蟻都唔好意思兜口兜面問 mud 唔係 8.3 億 o 羊，費事人地覺得我 cheap 啦。   不過你又唔好以為老闆們真係咁闊佬 wor ，到番公司 dup table 時，當然 dup 唔番開會講 D 野啦。每個 item 都 round up 半億， 4 個 item 就 round round 下多 咗兩億了。老細問你，又話 10 億 o 既？你同佢講，你地話齊頭嘛。佢就會炳你“我地呢度蚊蚊都係錢，蝕咗係咪你嘔？”然後所有開會講過的數字全部作廢，下次由頭講過。 這種街市買餸式講價（兼齋吹），聽多了就見怪不怪，安逸太郎一般也不介意，反正 GDP 是這樣產生的嘛。之不過 … 你班仆街自己約人 7 點半，未夠鐘又無野做，結果賴死在我公司吹水，吹吹下講到星期日有個唔知 mud 叉演講邀請人去，然後 … 就沒有然後了 …  

去年，對於是否應該去維園，開始有一點爭議。行禮如儀，老土了，不想去了，其實很能理解。去年跟大學舍堂組仔有討論過，他認為新一代沒有親身經歷六四，感覺疏離，不悼念是可以理解的。 六四發生時，安逸太郎才 3 歲 ，我身邊的安逸太太甚至還沒出世； 說 親身經歷，我經歷過條毛。了解六四，其實都是因為當年啊sir提出來討論，跟我們 說 一定一定要把這事記住直到平反，才開始對這件事有情意結。 到今年，甚至是否應該悼念，都有爭議 。先不要 說 什麼陰謀論學生染紅了是打手什麼什麼。不論他們結論有沒有邏輯，至少，中大學生會只是插人家集體悼念，而不是赤裸裸的 說 “關我撚事”，我最多覺得他們衝出來（少少）柒。 最大問題的，是出現了那群純粹因為（ 1 ）自以為眾人皆醉我獨醒（ 2 ）以為自己立場是爭取獨立所以隔離國家的事不關自己事（ 3 ）因為支聯會柒而打包 label 埋悼念六四＝柒的人。 第（ 1 ）類人其實無 mud 得救。第（ 2 ）類，以為中國的事唔關自己事，其實很容易駁 。隔離屋發生事，你的確可以唔理；但而家中共不只在隔離，也不只在門口，還已經坐在你客廳，你反而覺得唔關自己事？就算你要爭取獨立， sor9ry 你又未爭取到 wor 。 第（ 3 ）類，就是 marketing 問題了。支聯會各大佬已經老了，用的都是老方法，所以被人覺得很柒（當然也很腐敗）。正如以前吸收資訊只靠報紙（相對是 centralized sources) ，現在靠網上媒體（ decentralized sources) ；宣傳及傳承六四相關資訊也必須與時並進，可能需要更多 visual stimulations ，用更多貼緊年輕人的 language ，不能讓（正常）年輕一輩覺得這是柒事 。 這個記憶到新一代開始被淡忘甚至被厭棄，肯定是因為我們有些應該做的事沒做好（當然還因為現今的中學課程不教，甚至阻止老師教）。與其鬧班後生仔 disrespectful ，不如做好自己。光是未敢忘記已經不 夠 ，要守護記憶，必須更下苦功。 P.S. 過往幾年考 CFA 的關係，都不是年年去維園，但還是認為年年 去的人都是可敬的。 P.P.S. 中四時中史 presentation ，我選了講六四，沒有被阻止，很感恩。 ...

家中兩老口痕，不知何故總是要對著中國打飛機。 繼一帶一路一大堆中國偉大夢想後，最新力作是侵侵退出巴黎減排協議因此中國成功成為世界大佬兼提早實現中國夢云云，還有中國已是世界第一綠色能源國，這樣，那樣。 老味，你規劃經濟一下子喪谷太陽能板風電 manufacturing ， 產 能過剩條數都未計，你仲要是全球排 污 第一大國，有 D 廉恥都唔 夠 膽 claim 自己是“世界第一綠色能源國”吧？！ 早一兩年做某單 deal ，當時正 值 香港球迷 o 虛國歌事件，大陸佬就是一句：“我都唔明你班香港人，祖國咁強大，點解要唔鍾意祖國？”大抵，這一代人都覺得，只要強大的我就愛，一定無死錯人。有唔好，麻醉自己唔去睇，就 OK 了。 追求安逸，人之常情，但有必要麻醉自己，唔好講到好嗎？官員、議員之流，刷鞋有著數的，我明他們的動機；問題是，大多平民百姓也不覺得有問題，還要加入麻醉自己的行列，但 sorry ，平民百姓是一點利益都不會有的，點解？！ 我清楚記得，自己仲係手抱咁大時，你們抱著我去遊行。有相為証的。 今天呢？你還記得當天嗎？