偉大中國夢

家中兩老口痕，不知何故總是要對著中國打飛機。

繼一帶一路一大堆中國偉大夢想後，最新力作是侵侵退出巴黎減排協議因此中國成功成為世界大佬兼提早實現中國夢云云，還有中國已是世界第一綠色能源國，這樣，那樣。

老味，你規劃經濟一下子喪谷太陽能板風電manufacturing，產能過剩條數都未計，你仲要是全球排污第一大國，有D廉恥都唔夠膽claim自己是“世界第一綠色能源國”吧？！

早一兩年做某單deal，當時正值香港球迷o虛國歌事件，大陸佬就是一句：“我都唔明你班香港人，祖國咁強大，點解要唔鍾意祖國？”大抵，這一代人都覺得，只要強大的我就愛，一定無死錯人。有唔好，麻醉自己唔去睇，就OK了。

追求安逸，人之常情，但有必要麻醉自己，唔好講到好嗎？官員、議員之流，刷鞋有著數的，我明他們的動機；問題是，大多平民百姓也不覺得有問題，還要加入麻醉自己的行列，但sorry，平民百姓是一點利益都不會有的，點解？！

我清楚記得，自己仲係手抱咁大時，你們抱著我去遊行。有相為証的。

今天呢？你還記得當天嗎？